اعلى من الشمس

مو دولة العراق وهسة اكلك ليش
كلتلك بلد انتة وما كلت دولة
نثاية الدول كلها واعرب الاسماء
تضل بس انتة زلمة بعالمك كلة
كبل بس دولة عنك ما رضينة نكول
هسة نكول دولة ودولة محتلة
سلتك والعنب وزعتة للجيران
زرعو بيها عبوة وردو السلة
اعلى من الشمس يا وطن سورك جان
واذا توصل حدودك نصفة ما تعلة
صرت حايط نصيص يا عراق شبيك
توكف عالحدود وتشبخ النحلة


رجاءا عالوطن لحد يسولف
بعد ما افتهم شي بالسياسة
الوطن فوك الرمح متعلك سنين
بس ما نزل مرة وجارة داسة
نزل راسة من اديكم جا تركتو
كبل فوك الرمح مرفوع راسة
كلمن ضم ركبتة وراح وسنين
تصب ركاب ضلت هاية ناسة
واجة بس روس المن شلة بالروس
يريد اركاب حتى يرفعة راسة
اريدن بس اساس وكلنة نبني
ما اريدن صرح واعوج اساسة
واريد العلرئاسة توسلو بي
ما اريد التوسل عالرئاسة