الفرات

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الأدب والثقافة العربية والشعر الفصيح والشعبي

برعاية مركز ماسة ليان لطب الأسنان (جازان _صبيا)
أهلا بكم بمنتديات الفرات بحلتها الجديدة

    موكل من فتحلك باب يهواك

    Admin
    Admin
    Admin
    Admin

    ذكر
    عدد المساهمات : 311
    السٌّمعَة : 4
    تاريخ التسجيل : 22/07/2009
    المزاج : رائق على طووول

    موكل من فتحلك باب يهواك Empty موكل من فتحلك باب يهواك

    مُساهمة من طرف Admin في الجمعة يوليو 24, 2009 12:53 pm

    مو كل من فتحلك باب يهواك
    ولا كل من يكرهك باب ينسد
    اكو مسدود بابا وقلبو مفتوح
    واكو مفتوح بابا وقلبو اسود
    اذا طشيت صحبانك على الماي
    اثقلهم وفا الجواك يركد
    واخففهم يظل طافح على الراق
    يروح ويا لجزر ويرجعا المد
    اذا محتار سافر تعرف الناس
    منو يزت القطار ويوقف ازيَد
    اكو تشدَا بحبل ويقطعا ويروح
    واكو بكلمة شرف عل السكة ينشد
    واكو بمشية قطارك عينا تحتار
    وبلحظة الاخيرة وياك يصعد
    واكو يشيل المحطة ويل القطارات
    ويدكها عل قلبا وصدرا ينسد
    فرق بين ليعبدك بلمحطات
    وفرق بين لبنالك بقلبا معبد
    لا تامن بشر من طينة مخلوق
    بس اربع طعش طينة محمد
    موكل من ضحكلك من ترتاح
    ترى ناب الضبع كل ضحكة ينحد
    ولا تحقد على كل من يبجيك
    اذا دمعك طفح صدقني تبرد
    البشر دلَة ويفور بداخلا الضيم
    اذا يطفح دمع نيرانا تخمد
    ولا تحقد على الصعدو بلا جناح
    معروف الصقر لو جنحا ينشد
    ومو كل من نزل يتسما مذلول
    ولا كل من صعد يتسمى امجد
    وك هوا عل كاع لك نازل يضم لو قمة يصعد
    راسك من تصب اعلى من ليدين
    بس من السهل تتناوشا ليد
    اذا عندك جبل خلهم يصعدون
    فرق بين لصعد ولراد يصعد
    اكو يهدا الجبل لوهد لجفوف
    واكو يهد الجبل لو جفا ينهد
    وعلى المبرد كفر تنغر لسيوف
    لأن سيف عل سيف بقلبا ينحد
    واذا عنهم رحل كلهم يخسرون
    شني نفع السيوف بليا مبرد
    وما يرحل جذب موخاف يعمون
    ويظل السيف تالي بقصبة ينصد
    اذا تعزف لحن ويذمك انسان
    لا تقطع كمانك صعبة ينشد
    مرات اللحن مايطرب الناس
    ومرات البشر ذاناتا تنسد
    ومرات اللحن تطربلا طرشان
    بس طبع ليسمعك زور يشهد
    على البلبل يقلك منكر الصوت
    واذا ينهق حمارا يصيح غرد
    اذا حجيك حكم وتخاطب الناس
    كل راس على قدا وياك ينشد
    لان روس البشر عكس الفراغات
    كل ما تنترس تستوعب ازيد
    واذا تحجي وترد صوتك كما كان
    يعني ليستمع فارغ مجرد
    صوتك ما يردا لراسا متروس
    لأن بس بالفراغ الصوت يرتد
    واذا ضيمك كبر لا تحجب لعين
    وتشوف لدنيا كلها بلون اسود
    منو بهذا الوقت ما غيرا الضيم
    حتى بيوم الاحد ماكو احد
    لكن لا تظل تحسب توابيت
    انا قبلك علي صب اسود العد
    رفعت راسي وقمت احسب بالأعراس
    على خشم السواد الابيض امتد
    ولو غثني الطفل من شفتا بالعيد
    يشل بجروح ثوبا ودمعا عل خد
    بس انا فرحت شي جتا الاطفال
    ومسح كل الدموع وراح عَيد
    علمنا الطفل يصبر على الضيم
    وطلع منا الطفل ايمانا أزيد
    أريد اطرح قضية وانتو اسلام
    واريد اسأل جمعكم واطلب الرد
    بنيتو شقد معابد كلها عل كاع
    منو لبيكم بنالا بقلبا معبد
    ما أقولً كفر لو قلة ايمان
    لكن مهزلة وما إلها احد
    تلاقي الملاهي مفتحة بليل
    وبالعشرة الجوامع كلها تنسد
    avatar
    الوحش
    عضو
    عضو

    ذكر
    عدد المساهمات : 12
    السٌّمعَة : 0
    تاريخ الميلاد : 23/02/1990
    تاريخ التسجيل : 01/11/2009
    العمر : 30

    موكل من فتحلك باب يهواك Empty رد: موكل من فتحلك باب يهواك

    مُساهمة من طرف الوحش في الإثنين يناير 04, 2010 12:24 am

    اي والله صدق الشاعر

    الف شكر للطرح

      الوقت/التاريخ الآن هو السبت نوفمبر 28, 2020 9:15 pm