انت تحلم

انت تحلم وانا احلم
يا ترى من حلم احسن
حلمي احسن
انت تحلم تلبس بوط عالى
وبالبشر رجلاك تطحن
وانا احلم يكون راسي يشيل هاي الناس كلها
حتى لو رجلي تحفن
انت تحلم كاظم الساهر يوقعلك بطاقة
تبوس خدك تقلو شكرا
وانا احلم عندى كروى بيها اروحن للحسين
واشبك الشباك واصفن
انت تحلم تاكل بلحم الغزال حتى صحتك تبقى احسن
وانا احلم اعطي جيراني عشاي
ولو شبع هو وجهالا انا سمن
انت تحلم يكون يم عميان تقعد حتى تاكل كل اكلهم
وانا احلم اكون اعمى قبالي صحني واثرد لخبزة بصحنهم
انت تحلم تسهر بملهى الغزالة
وتكسب الالاف صدر العارية
وانا احلم اسهر بمستشفى عام
واعصر الدمعات للمرضى ادوية
انت تحلم تكون تطلع للسويد
وتشتغل حمال عدهم
وانا احلم يكون يرجع كل عراقي
الغربة ذلة وماكو احسن من وطنهم
انت تحلم تمشي شايلك مسدس
تخوف الناس بمشيتك
وانا احلم يوم اتمشى العصر
ومحد يقلي هات هويتك