ناجي
ارفع ايدك للسمه ودعي وناجي
بفضل الله واهل البيت ناجي
نريد انروح احنه انريد ناجي
العراق بخير من شر البليه
...............
وسنه
ابد ما جنه لا شيعه وسنه
وعساهه بخته من قره وسنه
كبل جان عيونه تهيم بوسنه
هسه الغمضه ما صحت اليه
................. .
ومدهن
مهما طال موعدهن ومدهن
لابد ما تجي ويمك ومدهن
انا الي بلجزر ميت ومدهن
ماتفرق اذا طالت عليه
.............
وعيناك
كول اشما ردت تطلب وعيناك
اخوك بشدتك اوكف وعيناك
صاحب صاحبك نشمي وعيناك
ومن حك الاخو يلوذ باخيه
................ .
وعرفك
انا الي ما تهت عنك وعرفك
هلك صاحت الداد منك وعرفك
راح القنك درس اني وعرفك
ابد ماتزل يوم انته عليه
................
ولا مر
بعد ما اريد اوصلكم ولا مر
وعسل ما اريد منكم ولا مر
لذالك انسه تامرني ولامر
انكطع خيط المحبه وهاي هيه
..................
ولا جاه
حظ ولا بخت عنده ولا جاه
بحياته ماوصل واحد ولا جاه
باجر من يجي الربه ولاجاه
شيكله الماوصل كاطع اخيه
................ ..
ولا حل
لاني وياك لا اربط ولا حل
بعد ماكول الي خلي ولا حل
امتحنتك جان ماعندك ولا حل
صحيح يكول رايح توفي ليه
.............. ...
ماني مرك
تلوم وتعتب انته ماني مرك
وتكل للناس عنه ماني مرك
حرت وياك والله ماني مرك
لغز انته وصعب حلك عليه
............. ...
ولاساف
الساني مالفظ شينه ولا ساف
وماني بحاجه من بيتك ولا ساف
انته الي بكت مالاتي ولا ساف
تريد تبيع مالاتي عليه
.............. .
ونتي بيه
شريد أحجي شكولن ونتي بيه
شكثر مشتاق كلبي ونتي بيه
أصيلة انتي العراقيه ونتي بيه
مثلج ما لكيت على الوطيه
----------------
منصفاني
الوكت وياك أبدا منصفاني
ضربني بسيف بعدك منصفاني
يريد اكذب ومدحه منصف أني
تلث ارباع إلك و بس ربع إليه
----------
وردلي
فرح روحي بمكتوبك وردلي
وكلبي راح و هلساعة وردلي
انته من الورد والله وردلي
عشر بوسات ولك شمه هديه
-----------------
من يصلني
انكطع خيط المحبة من يصلني
شكثر ردت ووصلت من يصلني
برد الشتا يوجع من يصلني
صحت اشا محد دره بية
-----------------
ما تبينه
عجب سرك علينة ما تبينه
وشنو إلي غيرك هسة ما تبينه
إذا حبك و حبي ما ت بينة
على الدنيا السلام و هاي هية
----------------
من حال
عجب من غيرك الهالحال من حال
لون تدري بغيابك علي من حال
عظم بعظاي ما ظل بعد من حال
الموت أهون حبيبي من بعدك عليه
------------
أنا بغيابك لو تدري علي منحل
ضيم و قهر وكل جسمي منحل
أريد تسويلي جارة مالي منحل
صدك أموت إذا طالت عليه
-----------------
بلاحد
جميله عيونك وحلوه بلا حد
يذبحن من يصد ليهن بلاحد
كبل فتره تمر كتلي بل احد
مرن احدين وماشفت جيه
-------------
علمتني
جثير دروس دنيانه علمتني
ولان متعلمت منها علمتني
تجيب هموم وتخلي علمتني
وتكلي شلون ما علمك عليه
-------------
ونمام
عمري ما جنت واشي ونمام
وعمري ماجنت تالي ونا مام
تكلهم شين وتكلي ونا مام
وتحبحب للصبح بثنين اديه
-----------------
يكصار
حبل الجذب مهما طال يكصار
كصير انته وعلينه تكول يا كصار
بياض بعيني شفته شلون يك صار
عجيبه شلون عندك قابليه
--------------
وبلسم
انته الدوه الكل عله وبلسم
تعال جروحي خيطهن وبلسم
اريد الموت من غيرك وبلسم
عسل عندي اذا منك اليه
------------
مانعوني
انه الميت بحبك ما نعوني
وانه الماريد غيرك مانعوني
اريد تعين روحي مانه عوني
عالبعدك نار تحرك مني بيه
--------------
مانعاني
كتلني بعين صلفه ومانعاني
وبعد ميهم ولا هم ما نعاني
شكثر كتله اريدك ما نعاني
تركني وراح خله الاه بيه
--------------
بخاله
مرد كلبي يهلوادم بخاله
اصله شلون متكوي بخاله
هله اكرام بس يمي بخاله
انجوم الظهر اكرب منه اليه
--------------
وخالي
كلبي مابه بنادم وخالي
واذا مفتون بعيوني وخالي
هلي ميردون طالبهم وخالي
واذا ردوك عود اعتب عليه
----------------
ومرمراني
صخر جلمود كلبي ومرمراني
ومدري منين اجاني ومرمراني
اظن بالطيف شفته ومر مراني
حرت شحجي وشكول اشصار بيه
-----------------
من عداكم
حبيب الروح كلي من عداكم
وعلي من كال عني من عداكم
اسب الناس كلها من عداكم
شما اسبكم ترد ترجع عليه
---------------
من عداني
حبيب الروح كلي من عداني
وكبل ربعي اسال من عداني
رقم واحد اعدك منعد اني
الباقي اعشار ما اثرو بيه
------------
وحالك
كلي شلون اخبارك وحالك
ليلي اظلم من غيرك وحالك
بنومك طيفي ما مرك وحالك
تمرني تكول هذا شكد خطيه
---------------
بحالي
بعد مالي انه حيله بحالي
كلبي كال وبسراره بحالي
انه الماجان الي شغله بحالي
اجيت منين انته وطحت بيه
----------------
من تحلني
كلي شلون احلك من تحلني
وانته تعيش بيه منتحلني
بعدك لغز اصيرن من تحلني
يظل حلي على ايدك وانته بيه
-----------------
منتزعله
الشخصك مكان بكلبي منتزعله
وحبيبك راضه فدوة منتزعله
اليكول انساك كله من تزعله
كلبي وياه وهذا كلبه بيه
----------------
و شعلمنك
بعد شتريد أكلك و شعلمنك
مالك غرض بيه وشعلمنك
بكلبي نار كبره وشعلمنك
وبعد ما أريد قطعي تمر عليه
----------------
ومالي
حبيب الروح بعدك مالي ومالي
انته اخر حلم عندي ومالي
اثنين ايديه تارسهن ومالي
اشتريد اكلك صار واخذلك تحية
---------------
ومالك
حبيب الروح شبيك كلي ومالك
وياه الوشوش باذنك ومالك
انته زين تعرفني ومالك
البين ضلوعي الك لو تنكلب بيه
-------------
و انا داري
حبيب الروح اعرف و انا داري
وكلبك زين اثمنه و انا داري
صار اسنين اضمضم وانا اداري
طلعت مفضوح من شوك الي بيه
---------------
و دارك
حبيب سنين صار اعرف و دارك
ولك سكمت الكلب بيتك و دارك
من يكدر يفر راسك ودارك
اعرف زين مخلص انته ليه
--------------
شله
حبيبي هاك جرح الكلب شله
زماني شبيه وكلي علي شله
رماني بنار بين شلون شله
ليرحمون ولا خلوك ترحم انته بيه
-----------
شلهاك
حبيب الروح كلي شبيك شلهاك
جرح كلبي نزف ويريد شل هاك
اخذ مني شتريد تشيل شل هاك
كله يروح فدوة بطيب نية
---------
ملاح
مو كلمن ركب موج البحر ملاح
ولا كلمن يطير و كال ملاح
ولا كلمن يغيب نكول مالاح
بس الطيب و ذاته ابيه
--------------
من هوانه
بعد عينك شعاني من هوانه
وبعد عمري تكلي من هو انه
امدا عمري اغمه من هوانه
اذا مر يوم ما تسال عليه
----------
من يلمني
حال الضيم حالي من يلمني
جرحي مجيد يكتل من يلمني
اذا بطران ميهم من يلمني
عجيبه شلون انته تلوم بيه
----------
ما لمنك
عمت عيني يغالي ما لمنك
حملك طاح وسفة مال منك
بيه الجرح نفسه مالمنك
واذا لومك تلف روحي المنيه
-------------
و الكام
وحك البلمهد و المشه و الكام
مر طيفك بحلم و صحت والكام(welcome)
اضن جنيت انا و صحت والكام
الحكولي اضن بين عليه
---------------
مرات
دايخ ما اميز بعض مرات
وانا سود الليالي علي مرات
لان حلوة الليالي ذيج مرات
بسرعة و بالعسر ذني عليه
--------------
من يوصلة
عتاب وياك عندي من يوصلة
وكطع بيني و بينك من يوصله
احس حبك بروحي مني وصله
واحسك ما تحبني شلون بيه
------------------
مانحينه
لان حبك مكانه مانحينه
موعد بيه اشوفك مانحينه
بعدنه على المحبه مانحينه
ونريد نشوفك بصبح و مسيه
------------------
لوني
الصخر يبجي لون يسمع لوني
الليالي السود هدني لوني
لون تدري بحالي أي لوني
يمك ابد ما مرن عليه
---------------
لونك
الكلب خلصان شسمعك لونك
ولون تدري بحالي أي لونك
الليالي السود هدنك لونك
انا وياي ماخلن عليه
============
..................
مرضة احنة وما يــــــــوم .... صحنة
لن عـراق وسبيل شلون ... صحنة
كلنـــة عــــــرب واكـــراد ... صحنة
كلا .. كلا ... للطائفية
...........
مرارتنة يصاحب ليش .. مرهةمنكم
وانة المعلول وابحــث ... مرهم الكم
تدري انت ليش انــة ... مرهم الكم
انة ارهم لبو الاطباع الوفية
.................
هاك اشعل كلب كلبي و وجهاك
اعله حاله راح اعلمنك و اوجهاك
بشالك من تلف شعرك و وجهاك
تلف روحي مثل لف المنيه
*** **** ***
ما شاء واضن اليوم شاءلك
وعلى راسه احس الكلب شالك
على شعرك لون ذبيت شالك
تذب عا لروح طركاعه وبليه
*** **** ***
وحك رصعة اخدودك وحك شفتاك
انسبيت بيوم وسط الروح شفتاك
اشيخلصني بعد شرتاح شافتاك
وبعدك والقرب نفس الاذيه
*** **** ***
حبيبي بيا بخت وياي شديت
عدى هجرك الي شقدمت شأديت
باصبعك حتى تذكر خيط شديت
انحصر دمك ولا فكرت بيه
..............
هنجل كلبي من شافك ... ودرباك
وحرت شلون اعلمنــــك ... ودرباك
كضيتة زحوف شارعكم ... ودرباك
زلغت الركب وعكوس ادية
.............
العشك يهديب عمري .. كلفاني
وحبنة بغير حبكـــــم ... كلة فاني
سهمك من رميتــــة ... كل لفاني
شك صدري وجزاني ورد علية
...............
حبيبي انة منــــــــك .. ونتة مني
وحس كلمن يون لك .. ونتة مني
اجت احزان دهــــرك .. وانتمن لي
وصرت يفلان مأوى لكل رزية
..............
شكثر انة احسب لجيتك .. وعدلك
وسهرت الليل اتانـــــــي .. وعدلك
اريدن بيدي اعوجنــــــك .. وعدلك
وعدلك لو متت مابين ادية
............
ابد ما اصطبيلــك ... وانتبهلك
واحذر حيل مني .. وانتبه لك
انة بأهلي ازامط ... وانتة بهلك
واذا اهلك زلم هدهم علية
................
الاحبة روحي بروحة .. مذابة
زعل وياي لـــو ادري .. مذابه
ذبني بلا سبب وانة .. مذابه
هجرني وصاح حبك بس اذية
..............
عليكم من سلام الله .. ورحمة
وحن عالكلب مــــــرة .. ورحمة
اذا رايد اجر انــــــــــت .. ورحمة
تعال انطيني بوسة وحن علية
................
اجيك بلهفة اتعنة .. وهملك
ولتضن يوم املنك .. وهملك
اذا ضنيت متأكـــد .. وهم لك
لان ميصح متوهم صافي نية
...........
كلمن كال سوف اعمل .. وسبني
جنة بحجية شتمنـــي .. وسبني
اكلة من الوطن اطلــع .. وسبني
انة ابني الوطن بثنين ادية
...............
الفكر من عقلي طار .. شتمني
وعليك الما يشتمـــن .. شتمني
بعد هالذل يروحــــــي .. شتمني
تمنيت روحي تاخذها المنية
.............
طبع اليحفر بصحـــــــــراء .. يعراك
ومن طبع الشجر بالطين .. يعراك
ومن طبع العراقي يصيح .. يعراك
الك يغدي العمر فدوة وهدية
............
عطشان علة جرفك ليش .. يماي
كل خصلة منكظهة تصيح .. يماي
بعيد ابعد بعد لا تلفــــــي .. يماي
اذا تلفي اشك ثوب العلية
..............
بحجيك ليش بس وياي .. شطيت
نطيتك دمع عيني تكول .. شطيت
انة بدمع العيون اشطوط .. شطيت
وصب دجلة وفرات بين ادية
................
الجميلة عليك لو مـــــــرت .. قف لهة
قصيدة عشك من تمشي .. قفلهة
احلفك كون من توصــــــل .. قفلهة
تقفلهة بالف سركي علية
.................
بت كلبي انكطع بلتك .. وبتكم
ردت اندلة شارعكـــم .. وبتكم
واجي خطاب لبتكـــم .. وبتكم
غصبن عالعشيرة اخذهة الية
...............
الحب بحجر سجيــــــــل .. رجماي
ودمع لجفن فوك الوجن .. رجماي
حبيبي لو طلب فد يوم .. رجماي ( رقماي )
نطيتة الرقم والهاتف سوية
.................
زوج طيور حبنة صفــــــن .. بس تك
وصرنة للشماتة علـــــج ... بستك
ما ادري شجاني وكمت ... بستك
اعذرني عالجرالك مو بدية
................
يحلوة عيوني انتي .... ونتي رمشي
لتزعليني منــــــج .... ونه ترة امشي
راح انطيج رقمــــي ... ونتي رمشي
بس يرمش اتصل مية بالمية
................
احبج حب جنــــــون .... موطبيعي
وبطلي ابييع ثكلـــج .... موطة بيعي
طبع الشهم طبعــي .... موطبيعي
اغدر وانثني بسابع ثنية
..................
صرت للدهر صكلـــــة ...... ونتة لاكة
وفرح مالاك اليــــــــــة ...... ونتة لاكة
يريت الوكت يفتـــــــر ...... ونتلاكة
احضنك والحضن موساد الية
..................
العشك كاروكة يامة ....... لولة بية
وفرني شلون فـــرة ....... لولبية
احبهة وحبها خلـــة ....... لولة بية
ارجف لون طاري الحب مر علية
.............
الك طوبة الليالي ...... ناولني
وعلى هجرك أأكد ..... ناوي لني
اذا يس ترضة ذلي ..... ناو لني
وما ارضة اذا حبك اذية
........................
ورد قداح اهديلــــــــــك ..... وجوري
وريدن ضيمي احجيلك ..... وجوري
موجر والعشك كمـــــل ..... وجوري
وشبه بركان حبك صار بية
...............
طار وما كلت للناس عالطار
وشسولف عالجرح بالكلب عالطار
جنت وياك شايل خلك عطار
طفل ما تشتري وتلعب عليه
*** **** ***
التعب والضيم جنبي الراحه جنبك
اشتضن من نار كلبي راح اجنبك
عشك العقل خلص راح اجن بك
واموت بعشرتك وابليك بيه
.............
يالبهمك ملابــــــــــــس ..... لابستني
وثوب الحزن بيــــــدك ..... لابستنـي
زعلت لا صالحتنـــــي .... لا بستني
ولا كتلي بالجذب حقك علية
.......................
اريد الزم خديــــــــدك ..... وشتمنة
واريد انعل ابيــــــــك ..... وشتمنة
تدري شراد كلبـــــــي .... وشتمنة
على صدرك اموت وهاي هية
..............
ذهب صافي طبعنه ماصدينه
وابد للي نودهم ماصدينه
تصيد الناس وحنه ماصدينه
رغم نفس المجان انذب سويه
.............
الفرح مايوم بروحي مر بيها
ومره اكره الدنيا ومره ابيها
حياتي اصبحت حنظل مر بيها
أشد من المنازع بالمنيه
.................
بدمع عيني اكتبتلك خاطر آني
والك مايوم كاسر خاطراني
غير انت تجيني خاطري آني
اجيك واعتني غصبن عليه
.................
رحل وحنا عرفنا النزل شطره
وعلى بالك شنو اللي خطر شطره
شطر عندك يريد القلب شطره
واظن شطر الليعندك راد اخيه
...............
عسر غيري النوايب فاتحتمن
وسهم هجرك بقلبي فات حتمن
اكتلتني وجاي تنشد فاتحتمن
ولا جنك رحت جناز بيه
زرعت بشوك دلالي 000وردتك
وانة الي ما خنت حبك 000وردتك
عطشت برموش عينك 000وردتك
عجب ليش برخص اتسوم بية0
------------------
مرة اصفن عليكم مرة سايل
مرة الدمع ناشف مرة سايل
مرة احتار شكتب من رسايل
مرة انتظر ساعات المنية
ظلمة والوذ عليـــك ينور انة
المصايب جن بعدنة ين ورانة
ما الومك عالحجيتة ينور انة
ما تعرفني حكك تحجي علية ؟؟
..............
بس وية الكد والهم مالفاني
لف ربعي الفرح لكن مالفاني
انة الظيم الفانـــــــي مالفاني
انة اعتنيتة والتف علية
................
نور العين اليحب بخلاص يهداك
وشوكت الغرور البيـــــك يهداك
عسى الله لطريق الشـوك يهداك
ويسخرلي كلبك وتصير الية
................
هموم هواك ماخلن..علي حال
فريضه وحبك من الله ..علي حــال
يالتنشد على حالـــــــي..علي حـال
شيفيد النشد عالصار بيـــــــــــــــه
..................
خطيـــــه الروح راحت من يعدها
وكثيرة همومي صارت من يعدها
وكثير اطبــــاع صارن مني عدها
أحسن هيه آني واني هيه
..................
طبيبي لاتجس النبض خله
اخاف احجي واخاف تصير خله
سبب هذا المرض افراگ خله
وهواهم سلني ولامرض بيه
...............
يهل الناديت بسمي هواى عيده
ويه هل ماخذ دليل وياك عيده
الكلب مو بسعد رمضان عيده
اني عندي العيد من نكعد سويه
..................
تكلي بعد ما اريدك ولا ابيك
هاي اطباع مو منك ولا بيك
ابد ما الوم والدتك ولا ابيك
الوم الوكت الرهاك عليه
...............
قسيت وياك يسمر عمي انا
وعين الي الماتشوفك عمي انا
اذا خالك فزعلك عمي انا
تبرة وضحك والوادم علية
................
اجزعت من الصبر روحي وملت
اهموم احصدت بالدنيا وملت
بنيران الفضا اتجوت وملت
الجزع صاحت من الهم والاذيه
................
بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك عالدنيه
...............
الكلب لا مظهر ولا مال غربه
ولو عمري بحماده انشتل غربه
ما احمل بكاع اجناب غربه
احن واشتاك لهلي بكل مسيه
...............
سهرت الليل بودادك وحييت
وكلت مرحبه بطارشكم وحييت
يمطرب طفت بالكعبه وحييت
اذا جايب حبيبي اوياك اليه
...............
حبيبي فارگ عيوني ونساني
گضه عمره وياي حاسبني ونساني
حسباله الهجر عدل ونساني
ونه عدلي يكسر ضلوعي بيه
...................
صديقك الفاضلك بالطيب فضله
ومثل مافضلك عن الناس فضله
اشكره وموجزاته انكار قضله
يجبلك يوم هم تعتاز فيه
..................
اريد الزم خدودك واشتمنه
واريد انعل ابيك واشتمنه
تدري شراد كلبي وشتمنه
على صدرك انام الليل وهايهيه
**********
حبيبي شلون عنده عيون فله
واشعر الراس عن ايدي فله
تمنيت انه اوياه فرد فله
واشوفه الغرام اشعمل بيه
**********
حلو وياك كلبي صفه نيته
يريد يكون يمك صفه نيته
شارعنه بجمالك صفينيته
وطاح من الركن للركن بيه
**********
مايوم الك خنت طول العمر وافيت
ولاكلت انته خنت ولاكلت وافيت
كلبي من هجر كلبك احس للموت وافيت
كلب كلبي توفه وعم عليه
لعيون اللي بگلبي
....................
وحق الله وملائكته وكتبه
عجبني شايل الجنطه وكتبه
لعب بيه الدهر و الطر و كتبه
بالچذب ما انكسر گلبه و حن عليه
.....................
هفت
هله يلي عليك الروح هفت
مد ايدك على نار القلب هفت
شكثر ناس علي بحجار هفت
لجن بشوفتك جتني المنيه
.................
ضعن حبي لوى ابهجري على ايسـار
اصب الدمع والواشي على ســــار
اظل آنه اطبق اليمنه على ايسار
على ولفي تركني وخان بيـــــه
.................. ......
يبوصالح ولانه الوكت ... مرنه
عطاشه ومن بحركم دوم ... مرنه
زلم عندك ترج الكون ... مرنه
متى تظهر يحماي الثنيه
.................
صاح ابصوت هز العرش ... منصاح
مثل عباس بالخوان .... منصاح
اكل الدهر انصح كال ... منصاح
اخذ منى عضيدي وفتك بيه
.....................
انخطف لونك يبعد اهلي ... ولوني
ييمه اعداك من بعدك ... ولوني
لون امن الصخر كلبي ... ولوني
ماني امك ذبت من هالرزيه
.........................
عليت وما اظن شخصك علاني
لان بس فركاك يا صاحب علاني
ازعلك اني ما اكدر على ني
اذا زعلتك اني ازعل علية
...................
يهل رايح لأخونة وصي اخونة
وكلة ترة العذال عكبك وصخونة
وكلة بعدك زاد المرض بية والصخونة
اريدك بس تجي وتسال علية
.......................
على افراكي يصاحب كول من شار (من اعطاك الرئي)
وبصابع اتهام الغدر من شار (من اشار باصبعه علي)
خشبه انه وتراك اسنون منشار (منشار لقطع الخشب)
تاكل من تروح وترد بيه
.......................
يصا حب ما اكلك علي علي(على ماضي صداقتنا)
وقلبك بالموده علي علي(اغسله)
طير الدنيه وسعه علي علي
مصيرك بالنهايه اترد اليه
......................
نخيت اجفوف ادية من تخلي
واسألت الزمن بعدي من تخلي
يصاحب ليش تغدر مانت خلي
كضيت اوياك عمري اوخنت بيه
.....................
يهل تنشد على حالي وسايل
دمعي ما نشف لحظة وسايل
يخوية ما بكت عندي وسايل
ردت طارش يرد الخبر لية
.....................
نعاهد بالوفة ومايوم خنة
ونطيب كل الم وعل الجرح خلنه
اذا شفنة الوفة من طبع خلنه
نرخصلة العمر والروح سويه
.................
لون تعلم بحالي مالمتني
من كثر المصايب مال متني
الكلب ينطر خبرك مل متني
عسى منكم خبر يرد روحي اليه
.....................
همومي عبرن فوكك مشن طن طن
منهو الوش بذانك علي طن طن
افرح لو سمعت الجرص طن طن
اكول الولف حن ومر عليه
*******************
رشيك الطول ياعالم بغاني
عدل وياي ما ضرني وبغاني
لهز الكون بشعار وبغاني
واسمع كل عذول لشمت بيه
*********************
غطني المصايب ورده مني
ونهر حسنك يساري ورده مني
دخذ مره حبيبي ورده مني
بلكي انه تذكرك يوم بيه
*******************
تشوف همومي بعيونك و ترها
وتغيب و تقطع بروحي وترها
يرهيك الوقت يسمر وترها
وتصير إنت أبو الراهي عليه
.........................
روحي برشف خدك من عداها
أحب وصلك وهابك من عداها
فراقك يوم أحمله من عداها
أزورك لو تصير أحزاب اليه
.............................
هذا زنجيل ابوذيه :
الدهر ياصاح بالفرقة ولانه
ولانوبه إنكسر قلبي ولانه
لاإنت عرفت الحب ولانه
نسينا الشوق وأخلفنا وعدنا
وعلى الهجران ردينا وعدنا
هذا من الوقت و الحب وعدنا
يفر بيه الوقت نوبة وفربيه
ومن ثلج العمر دربي وفر بيه
أشرد وين أنا بقلبي وفر بيه
بدرب مسدود ومتيه محله
دموعي جم ذنب قلبك محله
بعد طير بضباب أبدا محله
ولاظن بعد نتلاقه سويه
..............................
جزه حد الصبر وصبري بلا حد
يمن تذبح بسجينك بلا حد
واعدتني وكلت اجيلك بالاحد
اجه الاحد وانت ما مريت بيه
ذيب امعط وهك بينه ولانه
وزعزع كل صلف بينه ولانه
لا انت خلصت منه ولانه
خلانه على بيع الجدر والجودليه
روحي شلون اكضها من تهم بيك
مثل تهمه حبيبي متهم بيك
ظيم اليمر بيه منته هم بيك
اشو بالشده تكول انه شعليه
عراق انت والك بالروح منصب
وعلى فركاك دمعي منصب
عسى موتي قريب وقبري من صب
ولا اسمع خبر عنك اذيه
حلفت ما اكعد ابفيك ونخلك
شلون دكول انت اخويه وانه اخ الك
لجيبن منخل الخوة وانخلك
واطلع كل اخو يكول شعليه
حلفت ما اكعد بمطعم ولا صاله
وشعجب هالناس مابيهم اصاله
اني اللي شفت راغب واصاله
علي جوهر يتفيك عليه
اني الجنت مثل ميل الساعه وميلان
وظربتي خط عدل مابيها ميلان
واني اللي لعبت للانتر وميلان
هوار الملا يتفيك عليه
كظيت الدهر ما فد يوم حنيت
واديه من دموع العين حنت
يايمه وداعتج هاليوم حنيت
وشلت نار الدمع بثنين اديه
مفارك الليالي سنين مرن
وعلي صاير لذيذ الزاد مرن
طفر كلبي على النقال من رن
لان حسيت روحي ادك عليه
انه الصياد وصادتني شبكتك
دخيل الله شكثر حلوة شبكتك
ادك عليك شو مشغوله شبكتك
اظن مغلق جهازك بس عليه
فزع طبع الصبر بينه منخوينه
ويا روحي جروحي منخوينه
اخوي العييد بحزني منخوينه
انخه اشلون وجفوفي بديه
شفت وسفه اعله البحر منحوت
وصرت شاخص حزن منضيم منحوت
اذا يونس عبرته اتصير منحوت
انا الطيب عبره يصير اليه
منومثلي تعب لجلك ودارة
وعاش بعيد عن اهلة ودارة
اريد اعرف منو لعب بعقلك ودارة
حبيبي شما يصير انت الية
أأمم بيها والجامع ورايه
وصفيت امشي وره الچانوا ورايه
نويت اهجم شلت سيفي ورايه
رماني بسهم عينه وطاح بيه
حبيبي اشغير اطباعك ودارك
تبعد منزلك عني ودارك
خايب تمنيت داري اكبال دارك
واشوفك كل صبح ومسية
العشك منه استراحينه وهدنه
واخذنه من الدمع راحة وهدنه
ياحلو الطول فك ياخه وهدنه
عجزنه من الهوى وناره سريه
اساس بعشرتي وياك صبيت
جنني الهوى وبالشوگ صبيت
اذا انت عليه دموع صبيت
عميت عيوني من فرگاك اليه
ايام الحلوه راحن منسى عدها
ويهنياله لامه من سعدها
حبيبتي چنت اروحلها منا انسى عندها
الروح والقلب اخذهن سويه
الغدر انه يحلوه مو طبيعي
وجمالج بالكون والله مو طبيعي
من شفافج الحلوه موطه بيعي
عشر اكواب حاجز بس اليه
اضل صاحب سلوك وياك واسلاك
وعلى بابك اخلي حرس واسلاك
وشيطانك اذا فد يوم وس لاك
اگلك خاف الله وحن عليه
طحتلي بناس عگبك ..فطراني
نهر يابس وهجرك ..فطراني
صوتك وانة صايم ..فطراني
من اشوفن صورتك شيصير بية
يظن البيه لكن مات ظنه
اشعمل بيه انا افراگه ماتظنه
اخوي الناس گالت مات اظنه
شچذب الناس ودفنته بديه
حجي الصدك مثل الروج واللط
ومابيهم بس الجذب واللط
اكوله كول والله يكول واللط
لك يحلف جذب يالتنشد عليه
اكوم إجلالا لحسنك واقف لك
واسجل كلبي ياخلي وقف لك
واحطك بي واقفلنه واقفلك
واطب بصدري واقفلكم عليه
تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه
لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه
وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه
تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه
تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.
وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه
احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية
=================
---------------------
محاورة بين اب وابنه
الولـــد: -
يبويه الحمد لله واحجي ويــّــاك *** صار سنين صوتك ما سمعته
اعذرني يبويه العبرة بالروح *** اون هســّـة اون بس ونتي سكتة
شلونك يلي روحي لروحك تدير *** شلونك بوية عل صبر الصبرتة
الوالــد: -
انا البية المصايب نزلن رداح *** أنحنى ظهري يبويه بدونك انتة
ربـّـيتك جرح من عمري ظنيت *** تعوّضني التعب ذاك التعبته
شضنـّـك افترق ولوحدي ضليت *** القلب ماظن تهوّد يوم ونتة
شحجيلك يبوية شسوه الفراق *** بغيابك جبل من هم حملته
الولـــد: -
بوية ومانسيتك انا والله *** بعدها دموع عينك يمي تذكار
جمر هذا القلب ما ضل صبر بيه *** وانا الخاطر اعيونك احمل النار
مو قصدي الفراق ولانه اهواه *** بس شفت الوكت وياكم اندار
تحملت الغرب بس كون اوافيك *** لجن ندمان بوية على الجرى وصار
الوالــد: -
شفت الغربة بوية وحالك شلون *** الغريب شما تعب ما يلكه راحة
هلك بوية و لون الحزن مر بيــك *** تلكة وجوه مليانه سماحة
انا الردتك يبوية لساعة العوز *** الوكت هسة الوكت طبعة الوكاحة
الليالي للاحبهم صدق شتان
وعلي بالصيف لا يالولد شتان
تعال انتة بغربتك بعد شتان
طحت و الوكت أوجر حيل بية
الولـــد: -
بوية الغربة ذلة وانا ذليت *** بغربتي الوكت دك دكات وياي
الف موتة اموت وانتهي هنا *** ويا بوية شثكلها هموم دنياي
اذكر مشيتك من تدخل البيت *** يهزني الحلم جنك بالصدق جاي
افز اتمرحب واعثر بالاشواق *** أعله خدّي نار تنزل بوية مو ماي
ماظن ألكه مثلك لا ولايصير *** انا بهيبة عقالك ارهب عداي
الوالــد: -
أبجي و ما أريدن دمع بالعين *** خل من قلبي دمّ لفرقتك يجري
توسلت الصبر من شفت قلبي اعتاس *** بس خان الضنون ومانفع صبري
اشتاق الكــه دمعة بكد حنين الروح *** صفة وكتي دمع وك وشلت عمري
ردتك تجوة الي بيوم اليذبني الضيم *** طحت هسة انا بعدك وانكسر ظهري
ويابوية غربتك بسمرت بالروح *** اكل قلبي الفراق وانت ما تدري
الولـــد: -
شمدريني الوكت ما ينصف وياي *** لو ادري اعتقد ما فارقتكم
اشتريت الغربة بس صدقوني يحباب *** بعت الدنيا كلها وما بعتكم
هلي شجم ذكرة ضلت يمكم هناك *** وجم صورة ألي بالحيطان عدكم
بوية شلونكم والله انا مشتاق *** اتمنى انا يمكم هسة غافي
رصيف الغربة متعب نومتة شلون *** اذا مو ام تنومك بالعوافي
ياذلة غربتي وذلة الروح *** على جمر القهر كمت آنه امشي حافي
اذكر كعدتي وكومتي وياك *** يبو قلب الجبير العمره صافي
الوالـــد: -
ها بوية شفت نار المسافات *** وشفت الغربة هسة وحالك شلون
يبني الغربة تحفر حفر سكـّــين *** ويحتاج الغريب لدمعتة عيون
تعال وشوف بيتك والحياطين *** على كل ذكرة منك شو يونوون
اخوتك لو خواتك من يشوفون *** لمـّــه أصحابك و كلهم يضحكون
يصير البيت دمعة ويشتعل نار *** وكبل لا تبجي امك همـّــه يبجون
بعد لسة غرفتك بيها الاشواق *** وبعد كل ذكرياتك لسة بيها
من نشتاق الك وتهزنا الهموم *** نجي وبدموعنا نعاين عليها
الولـــد: -
وانا لوحدي وصوركم كلها وياي *** صارتلي صبر كل التصاوير
افرشهن كبالي من يجي الليل *** واحس العين هيــّــه بلا وعي ادير
هاي امي وابوي وكل الاحباب *** يكون الروح طير ويمكم ايطير
====================
هل يعلم الصّحبُ أني بعد فرقتهم ***** أبيت أرعى نجوم الليل سهرانا
أقضي الزمان ولا أقضي به وطراً ***** وأقطع الدهر أشواقا وأشجانا
ولا قريب إذا أصبحت في حزنٍ ***** إن الغريب حزين حيثما كانا
ارفع ايدك للسمه ودعي وناجي
بفضل الله واهل البيت ناجي
نريد انروح احنه انريد ناجي
العراق بخير من شر البليه
...............
وسنه
ابد ما جنه لا شيعه وسنه
وعساهه بخته من قره وسنه
كبل جان عيونه تهيم بوسنه
هسه الغمضه ما صحت اليه
................. .
ومدهن
مهما طال موعدهن ومدهن
لابد ما تجي ويمك ومدهن
انا الي بلجزر ميت ومدهن
ماتفرق اذا طالت عليه
.............
وعيناك
كول اشما ردت تطلب وعيناك
اخوك بشدتك اوكف وعيناك
صاحب صاحبك نشمي وعيناك
ومن حك الاخو يلوذ باخيه
................ .
وعرفك
انا الي ما تهت عنك وعرفك
هلك صاحت الداد منك وعرفك
راح القنك درس اني وعرفك
ابد ماتزل يوم انته عليه
................
ولا مر
بعد ما اريد اوصلكم ولا مر
وعسل ما اريد منكم ولا مر
لذالك انسه تامرني ولامر
انكطع خيط المحبه وهاي هيه
..................
ولا جاه
حظ ولا بخت عنده ولا جاه
بحياته ماوصل واحد ولا جاه
باجر من يجي الربه ولاجاه
شيكله الماوصل كاطع اخيه
................ ..
ولا حل
لاني وياك لا اربط ولا حل
بعد ماكول الي خلي ولا حل
امتحنتك جان ماعندك ولا حل
صحيح يكول رايح توفي ليه
.............. ...
ماني مرك
تلوم وتعتب انته ماني مرك
وتكل للناس عنه ماني مرك
حرت وياك والله ماني مرك
لغز انته وصعب حلك عليه
............. ...
ولاساف
الساني مالفظ شينه ولا ساف
وماني بحاجه من بيتك ولا ساف
انته الي بكت مالاتي ولا ساف
تريد تبيع مالاتي عليه
.............. .
ونتي بيه
شريد أحجي شكولن ونتي بيه
شكثر مشتاق كلبي ونتي بيه
أصيلة انتي العراقيه ونتي بيه
مثلج ما لكيت على الوطيه
----------------
منصفاني
الوكت وياك أبدا منصفاني
ضربني بسيف بعدك منصفاني
يريد اكذب ومدحه منصف أني
تلث ارباع إلك و بس ربع إليه
----------
وردلي
فرح روحي بمكتوبك وردلي
وكلبي راح و هلساعة وردلي
انته من الورد والله وردلي
عشر بوسات ولك شمه هديه
-----------------
من يصلني
انكطع خيط المحبة من يصلني
شكثر ردت ووصلت من يصلني
برد الشتا يوجع من يصلني
صحت اشا محد دره بية
-----------------
ما تبينه
عجب سرك علينة ما تبينه
وشنو إلي غيرك هسة ما تبينه
إذا حبك و حبي ما ت بينة
على الدنيا السلام و هاي هية
----------------
من حال
عجب من غيرك الهالحال من حال
لون تدري بغيابك علي من حال
عظم بعظاي ما ظل بعد من حال
الموت أهون حبيبي من بعدك عليه
------------
أنا بغيابك لو تدري علي منحل
ضيم و قهر وكل جسمي منحل
أريد تسويلي جارة مالي منحل
صدك أموت إذا طالت عليه
-----------------
بلاحد
جميله عيونك وحلوه بلا حد
يذبحن من يصد ليهن بلاحد
كبل فتره تمر كتلي بل احد
مرن احدين وماشفت جيه
-------------
علمتني
جثير دروس دنيانه علمتني
ولان متعلمت منها علمتني
تجيب هموم وتخلي علمتني
وتكلي شلون ما علمك عليه
-------------
ونمام
عمري ما جنت واشي ونمام
وعمري ماجنت تالي ونا مام
تكلهم شين وتكلي ونا مام
وتحبحب للصبح بثنين اديه
-----------------
يكصار
حبل الجذب مهما طال يكصار
كصير انته وعلينه تكول يا كصار
بياض بعيني شفته شلون يك صار
عجيبه شلون عندك قابليه
--------------
وبلسم
انته الدوه الكل عله وبلسم
تعال جروحي خيطهن وبلسم
اريد الموت من غيرك وبلسم
عسل عندي اذا منك اليه
------------
مانعوني
انه الميت بحبك ما نعوني
وانه الماريد غيرك مانعوني
اريد تعين روحي مانه عوني
عالبعدك نار تحرك مني بيه
--------------
مانعاني
كتلني بعين صلفه ومانعاني
وبعد ميهم ولا هم ما نعاني
شكثر كتله اريدك ما نعاني
تركني وراح خله الاه بيه
--------------
بخاله
مرد كلبي يهلوادم بخاله
اصله شلون متكوي بخاله
هله اكرام بس يمي بخاله
انجوم الظهر اكرب منه اليه
--------------
وخالي
كلبي مابه بنادم وخالي
واذا مفتون بعيوني وخالي
هلي ميردون طالبهم وخالي
واذا ردوك عود اعتب عليه
----------------
ومرمراني
صخر جلمود كلبي ومرمراني
ومدري منين اجاني ومرمراني
اظن بالطيف شفته ومر مراني
حرت شحجي وشكول اشصار بيه
-----------------
من عداكم
حبيب الروح كلي من عداكم
وعلي من كال عني من عداكم
اسب الناس كلها من عداكم
شما اسبكم ترد ترجع عليه
---------------
من عداني
حبيب الروح كلي من عداني
وكبل ربعي اسال من عداني
رقم واحد اعدك منعد اني
الباقي اعشار ما اثرو بيه
------------
وحالك
كلي شلون اخبارك وحالك
ليلي اظلم من غيرك وحالك
بنومك طيفي ما مرك وحالك
تمرني تكول هذا شكد خطيه
---------------
بحالي
بعد مالي انه حيله بحالي
كلبي كال وبسراره بحالي
انه الماجان الي شغله بحالي
اجيت منين انته وطحت بيه
----------------
من تحلني
كلي شلون احلك من تحلني
وانته تعيش بيه منتحلني
بعدك لغز اصيرن من تحلني
يظل حلي على ايدك وانته بيه
-----------------
منتزعله
الشخصك مكان بكلبي منتزعله
وحبيبك راضه فدوة منتزعله
اليكول انساك كله من تزعله
كلبي وياه وهذا كلبه بيه
----------------
و شعلمنك
بعد شتريد أكلك و شعلمنك
مالك غرض بيه وشعلمنك
بكلبي نار كبره وشعلمنك
وبعد ما أريد قطعي تمر عليه
----------------
ومالي
حبيب الروح بعدك مالي ومالي
انته اخر حلم عندي ومالي
اثنين ايديه تارسهن ومالي
اشتريد اكلك صار واخذلك تحية
---------------
ومالك
حبيب الروح شبيك كلي ومالك
وياه الوشوش باذنك ومالك
انته زين تعرفني ومالك
البين ضلوعي الك لو تنكلب بيه
-------------
و انا داري
حبيب الروح اعرف و انا داري
وكلبك زين اثمنه و انا داري
صار اسنين اضمضم وانا اداري
طلعت مفضوح من شوك الي بيه
---------------
و دارك
حبيب سنين صار اعرف و دارك
ولك سكمت الكلب بيتك و دارك
من يكدر يفر راسك ودارك
اعرف زين مخلص انته ليه
--------------
شله
حبيبي هاك جرح الكلب شله
زماني شبيه وكلي علي شله
رماني بنار بين شلون شله
ليرحمون ولا خلوك ترحم انته بيه
-----------
شلهاك
حبيب الروح كلي شبيك شلهاك
جرح كلبي نزف ويريد شل هاك
اخذ مني شتريد تشيل شل هاك
كله يروح فدوة بطيب نية
---------
ملاح
مو كلمن ركب موج البحر ملاح
ولا كلمن يطير و كال ملاح
ولا كلمن يغيب نكول مالاح
بس الطيب و ذاته ابيه
--------------
من هوانه
بعد عينك شعاني من هوانه
وبعد عمري تكلي من هو انه
امدا عمري اغمه من هوانه
اذا مر يوم ما تسال عليه
----------
من يلمني
حال الضيم حالي من يلمني
جرحي مجيد يكتل من يلمني
اذا بطران ميهم من يلمني
عجيبه شلون انته تلوم بيه
----------
ما لمنك
عمت عيني يغالي ما لمنك
حملك طاح وسفة مال منك
بيه الجرح نفسه مالمنك
واذا لومك تلف روحي المنيه
-------------
و الكام
وحك البلمهد و المشه و الكام
مر طيفك بحلم و صحت والكام(welcome)
اضن جنيت انا و صحت والكام
الحكولي اضن بين عليه
---------------
مرات
دايخ ما اميز بعض مرات
وانا سود الليالي علي مرات
لان حلوة الليالي ذيج مرات
بسرعة و بالعسر ذني عليه
--------------
من يوصلة
عتاب وياك عندي من يوصلة
وكطع بيني و بينك من يوصله
احس حبك بروحي مني وصله
واحسك ما تحبني شلون بيه
------------------
مانحينه
لان حبك مكانه مانحينه
موعد بيه اشوفك مانحينه
بعدنه على المحبه مانحينه
ونريد نشوفك بصبح و مسيه
------------------
لوني
الصخر يبجي لون يسمع لوني
الليالي السود هدني لوني
لون تدري بحالي أي لوني
يمك ابد ما مرن عليه
---------------
لونك
الكلب خلصان شسمعك لونك
ولون تدري بحالي أي لونك
الليالي السود هدنك لونك
انا وياي ماخلن عليه
============
..................
مرضة احنة وما يــــــــوم .... صحنة
لن عـراق وسبيل شلون ... صحنة
كلنـــة عــــــرب واكـــراد ... صحنة
كلا .. كلا ... للطائفية
...........
مرارتنة يصاحب ليش .. مرهةمنكم
وانة المعلول وابحــث ... مرهم الكم
تدري انت ليش انــة ... مرهم الكم
انة ارهم لبو الاطباع الوفية
.................
هاك اشعل كلب كلبي و وجهاك
اعله حاله راح اعلمنك و اوجهاك
بشالك من تلف شعرك و وجهاك
تلف روحي مثل لف المنيه
*** **** ***
ما شاء واضن اليوم شاءلك
وعلى راسه احس الكلب شالك
على شعرك لون ذبيت شالك
تذب عا لروح طركاعه وبليه
*** **** ***
وحك رصعة اخدودك وحك شفتاك
انسبيت بيوم وسط الروح شفتاك
اشيخلصني بعد شرتاح شافتاك
وبعدك والقرب نفس الاذيه
*** **** ***
حبيبي بيا بخت وياي شديت
عدى هجرك الي شقدمت شأديت
باصبعك حتى تذكر خيط شديت
انحصر دمك ولا فكرت بيه
..............
هنجل كلبي من شافك ... ودرباك
وحرت شلون اعلمنــــك ... ودرباك
كضيتة زحوف شارعكم ... ودرباك
زلغت الركب وعكوس ادية
.............
العشك يهديب عمري .. كلفاني
وحبنة بغير حبكـــــم ... كلة فاني
سهمك من رميتــــة ... كل لفاني
شك صدري وجزاني ورد علية
...............
حبيبي انة منــــــــك .. ونتة مني
وحس كلمن يون لك .. ونتة مني
اجت احزان دهــــرك .. وانتمن لي
وصرت يفلان مأوى لكل رزية
..............
شكثر انة احسب لجيتك .. وعدلك
وسهرت الليل اتانـــــــي .. وعدلك
اريدن بيدي اعوجنــــــك .. وعدلك
وعدلك لو متت مابين ادية
............
ابد ما اصطبيلــك ... وانتبهلك
واحذر حيل مني .. وانتبه لك
انة بأهلي ازامط ... وانتة بهلك
واذا اهلك زلم هدهم علية
................
الاحبة روحي بروحة .. مذابة
زعل وياي لـــو ادري .. مذابه
ذبني بلا سبب وانة .. مذابه
هجرني وصاح حبك بس اذية
..............
عليكم من سلام الله .. ورحمة
وحن عالكلب مــــــرة .. ورحمة
اذا رايد اجر انــــــــــت .. ورحمة
تعال انطيني بوسة وحن علية
................
اجيك بلهفة اتعنة .. وهملك
ولتضن يوم املنك .. وهملك
اذا ضنيت متأكـــد .. وهم لك
لان ميصح متوهم صافي نية
...........
كلمن كال سوف اعمل .. وسبني
جنة بحجية شتمنـــي .. وسبني
اكلة من الوطن اطلــع .. وسبني
انة ابني الوطن بثنين ادية
...............
الفكر من عقلي طار .. شتمني
وعليك الما يشتمـــن .. شتمني
بعد هالذل يروحــــــي .. شتمني
تمنيت روحي تاخذها المنية
.............
طبع اليحفر بصحـــــــــراء .. يعراك
ومن طبع الشجر بالطين .. يعراك
ومن طبع العراقي يصيح .. يعراك
الك يغدي العمر فدوة وهدية
............
عطشان علة جرفك ليش .. يماي
كل خصلة منكظهة تصيح .. يماي
بعيد ابعد بعد لا تلفــــــي .. يماي
اذا تلفي اشك ثوب العلية
..............
بحجيك ليش بس وياي .. شطيت
نطيتك دمع عيني تكول .. شطيت
انة بدمع العيون اشطوط .. شطيت
وصب دجلة وفرات بين ادية
................
الجميلة عليك لو مـــــــرت .. قف لهة
قصيدة عشك من تمشي .. قفلهة
احلفك كون من توصــــــل .. قفلهة
تقفلهة بالف سركي علية
.................
بت كلبي انكطع بلتك .. وبتكم
ردت اندلة شارعكـــم .. وبتكم
واجي خطاب لبتكـــم .. وبتكم
غصبن عالعشيرة اخذهة الية
...............
الحب بحجر سجيــــــــل .. رجماي
ودمع لجفن فوك الوجن .. رجماي
حبيبي لو طلب فد يوم .. رجماي ( رقماي )
نطيتة الرقم والهاتف سوية
.................
زوج طيور حبنة صفــــــن .. بس تك
وصرنة للشماتة علـــــج ... بستك
ما ادري شجاني وكمت ... بستك
اعذرني عالجرالك مو بدية
................
يحلوة عيوني انتي .... ونتي رمشي
لتزعليني منــــــج .... ونه ترة امشي
راح انطيج رقمــــي ... ونتي رمشي
بس يرمش اتصل مية بالمية
................
احبج حب جنــــــون .... موطبيعي
وبطلي ابييع ثكلـــج .... موطة بيعي
طبع الشهم طبعــي .... موطبيعي
اغدر وانثني بسابع ثنية
..................
صرت للدهر صكلـــــة ...... ونتة لاكة
وفرح مالاك اليــــــــــة ...... ونتة لاكة
يريت الوكت يفتـــــــر ...... ونتلاكة
احضنك والحضن موساد الية
..................
العشك كاروكة يامة ....... لولة بية
وفرني شلون فـــرة ....... لولبية
احبهة وحبها خلـــة ....... لولة بية
ارجف لون طاري الحب مر علية
.............
الك طوبة الليالي ...... ناولني
وعلى هجرك أأكد ..... ناوي لني
اذا يس ترضة ذلي ..... ناو لني
وما ارضة اذا حبك اذية
........................
ورد قداح اهديلــــــــــك ..... وجوري
وريدن ضيمي احجيلك ..... وجوري
موجر والعشك كمـــــل ..... وجوري
وشبه بركان حبك صار بية
...............
طار وما كلت للناس عالطار
وشسولف عالجرح بالكلب عالطار
جنت وياك شايل خلك عطار
طفل ما تشتري وتلعب عليه
*** **** ***
التعب والضيم جنبي الراحه جنبك
اشتضن من نار كلبي راح اجنبك
عشك العقل خلص راح اجن بك
واموت بعشرتك وابليك بيه
.............
يالبهمك ملابــــــــــــس ..... لابستني
وثوب الحزن بيــــــدك ..... لابستنـي
زعلت لا صالحتنـــــي .... لا بستني
ولا كتلي بالجذب حقك علية
.......................
اريد الزم خديــــــــدك ..... وشتمنة
واريد انعل ابيــــــــك ..... وشتمنة
تدري شراد كلبـــــــي .... وشتمنة
على صدرك اموت وهاي هية
..............
ذهب صافي طبعنه ماصدينه
وابد للي نودهم ماصدينه
تصيد الناس وحنه ماصدينه
رغم نفس المجان انذب سويه
.............
الفرح مايوم بروحي مر بيها
ومره اكره الدنيا ومره ابيها
حياتي اصبحت حنظل مر بيها
أشد من المنازع بالمنيه
.................
بدمع عيني اكتبتلك خاطر آني
والك مايوم كاسر خاطراني
غير انت تجيني خاطري آني
اجيك واعتني غصبن عليه
.................
رحل وحنا عرفنا النزل شطره
وعلى بالك شنو اللي خطر شطره
شطر عندك يريد القلب شطره
واظن شطر الليعندك راد اخيه
...............
عسر غيري النوايب فاتحتمن
وسهم هجرك بقلبي فات حتمن
اكتلتني وجاي تنشد فاتحتمن
ولا جنك رحت جناز بيه
زرعت بشوك دلالي 000وردتك
وانة الي ما خنت حبك 000وردتك
عطشت برموش عينك 000وردتك
عجب ليش برخص اتسوم بية0
------------------
مرة اصفن عليكم مرة سايل
مرة الدمع ناشف مرة سايل
مرة احتار شكتب من رسايل
مرة انتظر ساعات المنية
ظلمة والوذ عليـــك ينور انة
المصايب جن بعدنة ين ورانة
ما الومك عالحجيتة ينور انة
ما تعرفني حكك تحجي علية ؟؟
..............
بس وية الكد والهم مالفاني
لف ربعي الفرح لكن مالفاني
انة الظيم الفانـــــــي مالفاني
انة اعتنيتة والتف علية
................
نور العين اليحب بخلاص يهداك
وشوكت الغرور البيـــــك يهداك
عسى الله لطريق الشـوك يهداك
ويسخرلي كلبك وتصير الية
................
هموم هواك ماخلن..علي حال
فريضه وحبك من الله ..علي حــال
يالتنشد على حالـــــــي..علي حـال
شيفيد النشد عالصار بيـــــــــــــــه
..................
خطيـــــه الروح راحت من يعدها
وكثيرة همومي صارت من يعدها
وكثير اطبــــاع صارن مني عدها
أحسن هيه آني واني هيه
..................
طبيبي لاتجس النبض خله
اخاف احجي واخاف تصير خله
سبب هذا المرض افراگ خله
وهواهم سلني ولامرض بيه
...............
يهل الناديت بسمي هواى عيده
ويه هل ماخذ دليل وياك عيده
الكلب مو بسعد رمضان عيده
اني عندي العيد من نكعد سويه
..................
تكلي بعد ما اريدك ولا ابيك
هاي اطباع مو منك ولا بيك
ابد ما الوم والدتك ولا ابيك
الوم الوكت الرهاك عليه
...............
قسيت وياك يسمر عمي انا
وعين الي الماتشوفك عمي انا
اذا خالك فزعلك عمي انا
تبرة وضحك والوادم علية
................
اجزعت من الصبر روحي وملت
اهموم احصدت بالدنيا وملت
بنيران الفضا اتجوت وملت
الجزع صاحت من الهم والاذيه
................
بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك عالدنيه
...............
الكلب لا مظهر ولا مال غربه
ولو عمري بحماده انشتل غربه
ما احمل بكاع اجناب غربه
احن واشتاك لهلي بكل مسيه
...............
سهرت الليل بودادك وحييت
وكلت مرحبه بطارشكم وحييت
يمطرب طفت بالكعبه وحييت
اذا جايب حبيبي اوياك اليه
...............
حبيبي فارگ عيوني ونساني
گضه عمره وياي حاسبني ونساني
حسباله الهجر عدل ونساني
ونه عدلي يكسر ضلوعي بيه
...................
صديقك الفاضلك بالطيب فضله
ومثل مافضلك عن الناس فضله
اشكره وموجزاته انكار قضله
يجبلك يوم هم تعتاز فيه
..................
اريد الزم خدودك واشتمنه
واريد انعل ابيك واشتمنه
تدري شراد كلبي وشتمنه
على صدرك انام الليل وهايهيه
**********
حبيبي شلون عنده عيون فله
واشعر الراس عن ايدي فله
تمنيت انه اوياه فرد فله
واشوفه الغرام اشعمل بيه
**********
حلو وياك كلبي صفه نيته
يريد يكون يمك صفه نيته
شارعنه بجمالك صفينيته
وطاح من الركن للركن بيه
**********
مايوم الك خنت طول العمر وافيت
ولاكلت انته خنت ولاكلت وافيت
كلبي من هجر كلبك احس للموت وافيت
كلب كلبي توفه وعم عليه
لعيون اللي بگلبي
....................
وحق الله وملائكته وكتبه
عجبني شايل الجنطه وكتبه
لعب بيه الدهر و الطر و كتبه
بالچذب ما انكسر گلبه و حن عليه
.....................
هفت
هله يلي عليك الروح هفت
مد ايدك على نار القلب هفت
شكثر ناس علي بحجار هفت
لجن بشوفتك جتني المنيه
.................
ضعن حبي لوى ابهجري على ايسـار
اصب الدمع والواشي على ســــار
اظل آنه اطبق اليمنه على ايسار
على ولفي تركني وخان بيـــــه
.................. ......
يبوصالح ولانه الوكت ... مرنه
عطاشه ومن بحركم دوم ... مرنه
زلم عندك ترج الكون ... مرنه
متى تظهر يحماي الثنيه
.................
صاح ابصوت هز العرش ... منصاح
مثل عباس بالخوان .... منصاح
اكل الدهر انصح كال ... منصاح
اخذ منى عضيدي وفتك بيه
.....................
انخطف لونك يبعد اهلي ... ولوني
ييمه اعداك من بعدك ... ولوني
لون امن الصخر كلبي ... ولوني
ماني امك ذبت من هالرزيه
.........................
عليت وما اظن شخصك علاني
لان بس فركاك يا صاحب علاني
ازعلك اني ما اكدر على ني
اذا زعلتك اني ازعل علية
...................
يهل رايح لأخونة وصي اخونة
وكلة ترة العذال عكبك وصخونة
وكلة بعدك زاد المرض بية والصخونة
اريدك بس تجي وتسال علية
.......................
على افراكي يصاحب كول من شار (من اعطاك الرئي)
وبصابع اتهام الغدر من شار (من اشار باصبعه علي)
خشبه انه وتراك اسنون منشار (منشار لقطع الخشب)
تاكل من تروح وترد بيه
.......................
يصا حب ما اكلك علي علي(على ماضي صداقتنا)
وقلبك بالموده علي علي(اغسله)
طير الدنيه وسعه علي علي
مصيرك بالنهايه اترد اليه
......................
نخيت اجفوف ادية من تخلي
واسألت الزمن بعدي من تخلي
يصاحب ليش تغدر مانت خلي
كضيت اوياك عمري اوخنت بيه
.....................
يهل تنشد على حالي وسايل
دمعي ما نشف لحظة وسايل
يخوية ما بكت عندي وسايل
ردت طارش يرد الخبر لية
.....................
نعاهد بالوفة ومايوم خنة
ونطيب كل الم وعل الجرح خلنه
اذا شفنة الوفة من طبع خلنه
نرخصلة العمر والروح سويه
.................
لون تعلم بحالي مالمتني
من كثر المصايب مال متني
الكلب ينطر خبرك مل متني
عسى منكم خبر يرد روحي اليه
.....................
همومي عبرن فوكك مشن طن طن
منهو الوش بذانك علي طن طن
افرح لو سمعت الجرص طن طن
اكول الولف حن ومر عليه
*******************
رشيك الطول ياعالم بغاني
عدل وياي ما ضرني وبغاني
لهز الكون بشعار وبغاني
واسمع كل عذول لشمت بيه
*********************
غطني المصايب ورده مني
ونهر حسنك يساري ورده مني
دخذ مره حبيبي ورده مني
بلكي انه تذكرك يوم بيه
*******************
تشوف همومي بعيونك و ترها
وتغيب و تقطع بروحي وترها
يرهيك الوقت يسمر وترها
وتصير إنت أبو الراهي عليه
.........................
روحي برشف خدك من عداها
أحب وصلك وهابك من عداها
فراقك يوم أحمله من عداها
أزورك لو تصير أحزاب اليه
.............................
هذا زنجيل ابوذيه :
الدهر ياصاح بالفرقة ولانه
ولانوبه إنكسر قلبي ولانه
لاإنت عرفت الحب ولانه
نسينا الشوق وأخلفنا وعدنا
وعلى الهجران ردينا وعدنا
هذا من الوقت و الحب وعدنا
يفر بيه الوقت نوبة وفربيه
ومن ثلج العمر دربي وفر بيه
أشرد وين أنا بقلبي وفر بيه
بدرب مسدود ومتيه محله
دموعي جم ذنب قلبك محله
بعد طير بضباب أبدا محله
ولاظن بعد نتلاقه سويه
..............................
جزه حد الصبر وصبري بلا حد
يمن تذبح بسجينك بلا حد
واعدتني وكلت اجيلك بالاحد
اجه الاحد وانت ما مريت بيه
ذيب امعط وهك بينه ولانه
وزعزع كل صلف بينه ولانه
لا انت خلصت منه ولانه
خلانه على بيع الجدر والجودليه
روحي شلون اكضها من تهم بيك
مثل تهمه حبيبي متهم بيك
ظيم اليمر بيه منته هم بيك
اشو بالشده تكول انه شعليه
عراق انت والك بالروح منصب
وعلى فركاك دمعي منصب
عسى موتي قريب وقبري من صب
ولا اسمع خبر عنك اذيه
حلفت ما اكعد ابفيك ونخلك
شلون دكول انت اخويه وانه اخ الك
لجيبن منخل الخوة وانخلك
واطلع كل اخو يكول شعليه
حلفت ما اكعد بمطعم ولا صاله
وشعجب هالناس مابيهم اصاله
اني اللي شفت راغب واصاله
علي جوهر يتفيك عليه
اني الجنت مثل ميل الساعه وميلان
وظربتي خط عدل مابيها ميلان
واني اللي لعبت للانتر وميلان
هوار الملا يتفيك عليه
كظيت الدهر ما فد يوم حنيت
واديه من دموع العين حنت
يايمه وداعتج هاليوم حنيت
وشلت نار الدمع بثنين اديه
مفارك الليالي سنين مرن
وعلي صاير لذيذ الزاد مرن
طفر كلبي على النقال من رن
لان حسيت روحي ادك عليه
انه الصياد وصادتني شبكتك
دخيل الله شكثر حلوة شبكتك
ادك عليك شو مشغوله شبكتك
اظن مغلق جهازك بس عليه
فزع طبع الصبر بينه منخوينه
ويا روحي جروحي منخوينه
اخوي العييد بحزني منخوينه
انخه اشلون وجفوفي بديه
شفت وسفه اعله البحر منحوت
وصرت شاخص حزن منضيم منحوت
اذا يونس عبرته اتصير منحوت
انا الطيب عبره يصير اليه
منومثلي تعب لجلك ودارة
وعاش بعيد عن اهلة ودارة
اريد اعرف منو لعب بعقلك ودارة
حبيبي شما يصير انت الية
أأمم بيها والجامع ورايه
وصفيت امشي وره الچانوا ورايه
نويت اهجم شلت سيفي ورايه
رماني بسهم عينه وطاح بيه
حبيبي اشغير اطباعك ودارك
تبعد منزلك عني ودارك
خايب تمنيت داري اكبال دارك
واشوفك كل صبح ومسية
العشك منه استراحينه وهدنه
واخذنه من الدمع راحة وهدنه
ياحلو الطول فك ياخه وهدنه
عجزنه من الهوى وناره سريه
اساس بعشرتي وياك صبيت
جنني الهوى وبالشوگ صبيت
اذا انت عليه دموع صبيت
عميت عيوني من فرگاك اليه
ايام الحلوه راحن منسى عدها
ويهنياله لامه من سعدها
حبيبتي چنت اروحلها منا انسى عندها
الروح والقلب اخذهن سويه
الغدر انه يحلوه مو طبيعي
وجمالج بالكون والله مو طبيعي
من شفافج الحلوه موطه بيعي
عشر اكواب حاجز بس اليه
اضل صاحب سلوك وياك واسلاك
وعلى بابك اخلي حرس واسلاك
وشيطانك اذا فد يوم وس لاك
اگلك خاف الله وحن عليه
طحتلي بناس عگبك ..فطراني
نهر يابس وهجرك ..فطراني
صوتك وانة صايم ..فطراني
من اشوفن صورتك شيصير بية
يظن البيه لكن مات ظنه
اشعمل بيه انا افراگه ماتظنه
اخوي الناس گالت مات اظنه
شچذب الناس ودفنته بديه
حجي الصدك مثل الروج واللط
ومابيهم بس الجذب واللط
اكوله كول والله يكول واللط
لك يحلف جذب يالتنشد عليه
اكوم إجلالا لحسنك واقف لك
واسجل كلبي ياخلي وقف لك
واحطك بي واقفلنه واقفلك
واطب بصدري واقفلكم عليه
تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه
لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه
وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه
تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه
تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.
وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه
احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية
=================
---------------------
محاورة بين اب وابنه
الولـــد: -
يبويه الحمد لله واحجي ويــّــاك *** صار سنين صوتك ما سمعته
اعذرني يبويه العبرة بالروح *** اون هســّـة اون بس ونتي سكتة
شلونك يلي روحي لروحك تدير *** شلونك بوية عل صبر الصبرتة
الوالــد: -
انا البية المصايب نزلن رداح *** أنحنى ظهري يبويه بدونك انتة
ربـّـيتك جرح من عمري ظنيت *** تعوّضني التعب ذاك التعبته
شضنـّـك افترق ولوحدي ضليت *** القلب ماظن تهوّد يوم ونتة
شحجيلك يبوية شسوه الفراق *** بغيابك جبل من هم حملته
الولـــد: -
بوية ومانسيتك انا والله *** بعدها دموع عينك يمي تذكار
جمر هذا القلب ما ضل صبر بيه *** وانا الخاطر اعيونك احمل النار
مو قصدي الفراق ولانه اهواه *** بس شفت الوكت وياكم اندار
تحملت الغرب بس كون اوافيك *** لجن ندمان بوية على الجرى وصار
الوالــد: -
شفت الغربة بوية وحالك شلون *** الغريب شما تعب ما يلكه راحة
هلك بوية و لون الحزن مر بيــك *** تلكة وجوه مليانه سماحة
انا الردتك يبوية لساعة العوز *** الوكت هسة الوكت طبعة الوكاحة
الليالي للاحبهم صدق شتان
وعلي بالصيف لا يالولد شتان
تعال انتة بغربتك بعد شتان
طحت و الوكت أوجر حيل بية
الولـــد: -
بوية الغربة ذلة وانا ذليت *** بغربتي الوكت دك دكات وياي
الف موتة اموت وانتهي هنا *** ويا بوية شثكلها هموم دنياي
اذكر مشيتك من تدخل البيت *** يهزني الحلم جنك بالصدق جاي
افز اتمرحب واعثر بالاشواق *** أعله خدّي نار تنزل بوية مو ماي
ماظن ألكه مثلك لا ولايصير *** انا بهيبة عقالك ارهب عداي
الوالــد: -
أبجي و ما أريدن دمع بالعين *** خل من قلبي دمّ لفرقتك يجري
توسلت الصبر من شفت قلبي اعتاس *** بس خان الضنون ومانفع صبري
اشتاق الكــه دمعة بكد حنين الروح *** صفة وكتي دمع وك وشلت عمري
ردتك تجوة الي بيوم اليذبني الضيم *** طحت هسة انا بعدك وانكسر ظهري
ويابوية غربتك بسمرت بالروح *** اكل قلبي الفراق وانت ما تدري
الولـــد: -
شمدريني الوكت ما ينصف وياي *** لو ادري اعتقد ما فارقتكم
اشتريت الغربة بس صدقوني يحباب *** بعت الدنيا كلها وما بعتكم
هلي شجم ذكرة ضلت يمكم هناك *** وجم صورة ألي بالحيطان عدكم
بوية شلونكم والله انا مشتاق *** اتمنى انا يمكم هسة غافي
رصيف الغربة متعب نومتة شلون *** اذا مو ام تنومك بالعوافي
ياذلة غربتي وذلة الروح *** على جمر القهر كمت آنه امشي حافي
اذكر كعدتي وكومتي وياك *** يبو قلب الجبير العمره صافي
الوالـــد: -
ها بوية شفت نار المسافات *** وشفت الغربة هسة وحالك شلون
يبني الغربة تحفر حفر سكـّــين *** ويحتاج الغريب لدمعتة عيون
تعال وشوف بيتك والحياطين *** على كل ذكرة منك شو يونوون
اخوتك لو خواتك من يشوفون *** لمـّــه أصحابك و كلهم يضحكون
يصير البيت دمعة ويشتعل نار *** وكبل لا تبجي امك همـّــه يبجون
بعد لسة غرفتك بيها الاشواق *** وبعد كل ذكرياتك لسة بيها
من نشتاق الك وتهزنا الهموم *** نجي وبدموعنا نعاين عليها
الولـــد: -
وانا لوحدي وصوركم كلها وياي *** صارتلي صبر كل التصاوير
افرشهن كبالي من يجي الليل *** واحس العين هيــّــه بلا وعي ادير
هاي امي وابوي وكل الاحباب *** يكون الروح طير ويمكم ايطير
====================
هل يعلم الصّحبُ أني بعد فرقتهم ***** أبيت أرعى نجوم الليل سهرانا
أقضي الزمان ولا أقضي به وطراً ***** وأقطع الدهر أشواقا وأشجانا
ولا قريب إذا أصبحت في حزنٍ ***** إن الغريب حزين حيثما كانا
