ابو ذيه لمختلف الشعراء

شمس لو روس وجناتك وجن بيك
اعذره الهايم بشوكك وجن بيك
يظلمك كلمن يوصفك وجن بيك
الصفات البيك بس بالحور هيه

يتمايل يا حلاته مره شفته
مره يعضلي اصبعه مره شفته
عسل يا هيل شفته من رشفته
حضنته وطاحن ادموعه عليه

اخذ نور الشمس ربك والك خال
يل الك رصعات بخدودك والك خال
تمنيت انه اخو لامك والك خال
واكل للناس ثلثينك عليه

سلالتكم نسب يوسف نسبه
والدنيه بغير نظرات عينك نسبه
الوادم ميه بالميه نسبه
وانت نسبه جمالك سبعميه

مشكووووور زعيم