الفرات

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الأدب والثقافة العربية والشعر الفصيح والشعبي

برعاية مركز ماسة ليان لطب الأسنان (جازان _صبيا)
أهلا بكم بمنتديات الفرات بحلتها الجديدة

    يوم العيد

    Admin
    Admin
    Admin
    Admin

    ذكر
    عدد المساهمات : 311
    السٌّمعَة : 4
    تاريخ التسجيل : 22/07/2009
    المزاج : رائق على طووول

    يوم العيد Empty يوم العيد

    مُساهمة من طرف Admin في الخميس يوليو 30, 2009 12:52 am

    في رثاء القائد الشهيد صدام حسين


    ويه الفجر

    يوم العيد

    وي نحر النحور

    صدام قدم للوطن روحه

    إجه مثل ألأسد مجروح

    يمشي وتضحك جروحه

    هم شايف جبل ينكاد

    وإذا شفت الجبل مكيود

    تلكه العله بسفوحه

    مثل النخل مات وكوف

    شاخص شامخه صروحه

    لك لو هيجي الرجال تموت

    لو غم الرجال بموت ماصخ مابه ملوحه

    بجيت وما بجيت عليك

    بجيت على الزمان الضمك بلوحه

    بجى حتى الفرات عليك

    ونهر دجله إنتحر موحه

    إذا ً تستاهل عليك ينوح

    شاعر ما بطل نوحه

    لأن إنته الوحيد إلذي خليت

    المشانق للرجال تصير مرجوحه

    رغد يا رغد لا تبجين

    بس دمعة حزن للزين مسموحه

    أبوج ألكتب إسمه بجبهة التاريخ

    كعبه الوطن عنده وعاليه سطوحه

    الزمن يشهد لأبو ألليثيت

    ولو آنه شهادتي بصدام مجروحه

    ما دنك براسه وإنحنى للجلاد

    رغم سلسلوا رجله وشدوا جفوفه

    رفض يلبس نكاب الموت

    وضحك على الموت سنه وعيننه تشوفه

    عجل والله يتباهى يسجل التاريخ

    عنه وتكتب حروفه

    مو حبل العلى الركبه طلع ملفوف

    ركبه على الحبل طلعت الملفوفه

    إذا ًحقها العرب تحزن عليه وتنوح

    وكع خيالها والشمس مكسوفه

    من زغره عجيد عنيد وضد الأستعمار

    ابوج الوصل سابع جار معروفه

    وإذا البصره حزنت مصباح يوم العيد

    يم تكريت طلعت تلطم الكوفه

    وإجت نينوى محنية ظهر وتصيح

    وين ابن الرمادي الباشطه سيوفه

    سووها العلوج ودنسوا بغداد

    وعاصمة الرشيد اصبحت مجتوفه

    إذا ً تستاهل عليك ينوح

    شاعر ما بطل نوحه

    لأن إنته الوحيد إلذي خليت

    المشانق للرجال تصير مرجوحه
    عسل
    عسل
    عضو
    عضو

    انثى
    عدد المساهمات : 25
    السٌّمعَة : 0
    تاريخ التسجيل : 08/10/2009
    المزاج : كووووووووووووووووووووووول

    يوم العيد Empty رد: يوم العيد

    مُساهمة من طرف عسل في السبت أكتوبر 10, 2009 1:52 am

    تسلم ايدك عل هالموضوع الروعة
    زين أهله
    زين أهله
    عضو نشيط
    عضو نشيط

    عدد المساهمات : 78
    السٌّمعَة : 1
    تاريخ التسجيل : 29/09/2009

    يوم العيد Empty رد: يوم العيد

    مُساهمة من طرف زين أهله في الثلاثاء أكتوبر 13, 2009 9:55 am

    مشكور زعيم

    كل التحية lol!
    الصقر
    الصقر
    عضو
    عضو

    عدد المساهمات : 16
    السٌّمعَة : 0
    تاريخ التسجيل : 04/12/2009

    يوم العيد Empty رد: يوم العيد

    مُساهمة من طرف الصقر في السبت ديسمبر 05, 2009 11:35 pm

    تسلم ايدك

    ولسان الشاعر المخضرم عباس الجيجان

      الوقت/التاريخ الآن هو السبت نوفمبر 28, 2020 10:01 pm