اسكت لا تظل تشكي بهاماك
اخذ طبع النخل وارفع بهاماك
وذا بالطين عركك هاي هيه
.........
لان طكات شماتي بهاماي
وشل لا تظن عيني بها ماي
اذا عالذل يرضه يبصم بهامي
اكطعه ان جان يرضالي برديه
.........
الدنيا شما احبنهه وبرهه
تزرفني بمخايطهه وابرهه
جاعت ناكتي واكلت وبرها
الدرب طول واخاف ترد عليه
........
بحرك كمت دورته وبرك
وبعد ما ينفع ايمانك وبرك
اذا مخيط الك نابت وبرك
وشم دكن بكلبي من الاذيه
........
عليمن تحسب اغلاطه تعدله
الميت بالبجي شتظن تعدله
العوج عوده صعب ظله تعدله
يظل اعوج لمه تلفه المنيه
.........
جروحي تعرف طعناته واعدهن
سجن ماحاجه اجمعهن واعدهن
انه متاني لمن يوصل وعدهن
واحط طينته بخده العال بيه
........
صافي وخلل مابيه ولا عيب
ولا عرف الحجي الملوي ولا عيب
وعذولي لا خجل يعرف ولا عيب
فرق والبينه ابعد الثريه
...........
انه من الجرح ما خا ف لو سال
يرا شامت واخاف شلون لو سال
سيفك بالجذب لعداي لو سال
عليي هد واكولن هد اليه
............
اخذ طبع النخل وارفع بهاماك
وذا بالطين عركك هاي هيه
.........
لان طكات شماتي بهاماي
وشل لا تظن عيني بها ماي
اذا عالذل يرضه يبصم بهامي
اكطعه ان جان يرضالي برديه
.........
الدنيا شما احبنهه وبرهه
تزرفني بمخايطهه وابرهه
جاعت ناكتي واكلت وبرها
الدرب طول واخاف ترد عليه
........
بحرك كمت دورته وبرك
وبعد ما ينفع ايمانك وبرك
اذا مخيط الك نابت وبرك
وشم دكن بكلبي من الاذيه
........
عليمن تحسب اغلاطه تعدله
الميت بالبجي شتظن تعدله
العوج عوده صعب ظله تعدله
يظل اعوج لمه تلفه المنيه
.........
جروحي تعرف طعناته واعدهن
سجن ماحاجه اجمعهن واعدهن
انه متاني لمن يوصل وعدهن
واحط طينته بخده العال بيه
........
صافي وخلل مابيه ولا عيب
ولا عرف الحجي الملوي ولا عيب
وعذولي لا خجل يعرف ولا عيب
فرق والبينه ابعد الثريه
...........
انه من الجرح ما خا ف لو سال
يرا شامت واخاف شلون لو سال
سيفك بالجذب لعداي لو سال
عليي هد واكولن هد اليه
............
